كيف تكوني جميلة ورشيقه 💃💃💃

من الحاجات الجميله الي لازم نراعيها هي اننا نهتم بصحتنا والتغذية بتاعتنا ونحاول نخلي العادات الصحيه دي من الروتين اليومي للحياه بتاعتنا

اهتمى بنفسك وبصحتك حاولي تغيري الروتين اليومي الي اتعودتي عليه

وانا هقولك مجموعة نصائح هتحسن من صحتنا وحالتنا النفسيه والصحيه والغذائية

--------

1-كلى كل يوم علبه زبادى .

2-اشربى ينسون علشان يزود هرمون الاستروجين وصوتك ينعم وبشرتك تتحسن وتزيدى انوثة.

3-اشربى جنزبيل علشان تبقى ريحة عرقك حلوة.

4- امضغى دايما عودين بقدونس علشان ريحة نفسك تكون احلى.

5-كل يومين حطي معلقة زيت زيتون على كوب عصير اى عصير علشان جسمك ينعم بسبب الفوايد اللى فى زيت الزيتون.

6-حاولي تتعرضي كل يوم للشمس لمدة ٣٠ دقيقة علشان فيتامين د.

7- اشربى دايما حليب قليل الدسم علشان يمدك بالكالسيوم وحطى عليه فيتيامين د.

8- قللى الاكل المحفوظة والمعلبه والتونه علشان مليانه مواد حافظة هتجيبلك زهايمر بدرى.

9- خفى من السكر الابيض علشان بيخلى تجاعيد الوش تظهر بسرعه.

10-خدي مالتي فيتامين علشان صحة جسمك.

11- بلاش تعملي خلافات مع جوزك واولادك وتنكدي علي نفسك لانك هتضري صحتك ومحدش هينفعك .

12-اتفرجى على برامج ثقافيه و علميه علشان تواكبي العصر وما تكونيش من كوكب تاني .

13- اشربى القهوة مع الشكولاته المرة علشان تحسى بقيمتك شوية وتكوني مستمتعة وانتي بتشربيها .

14-زودى شرب الميه علشان بشرتك تتحسن ومش تكون مجهدة .

15- العبي رياضة وخصص وقت للنشاط الرياضي اليومي.

16-خدى كل يوم حبة فيتامين سى على نص كوب مية فوار علشان تنور بشرتك .

17-كل 3 ايام خدى على الريق معلقة عسل ابيض على كوب مية وبعد ساعه افطرى .

18-خدى بالك انتى مالكيش قطع غيار ومحدش هيسلفك صحته ولو حتى عيالك نفسهم .

اهتمى بنفسك وبصحتك وبحالتك النفسيه وعيشي الحياه الي انتي عاوزه تعيشيها من داخلك مش الي حد تاني عاوزك تعشيها